Թիմ

Համանախագահ
Էվելինա Գյուլխանդանյանը սոցիոլոգ է և ունի ավելի քան 15 տարվա հետազոտական և շահերի պաշտպանության փորձ՝ մարդու իրավունքների, քաղաքացիական հասարակության և քաղաքացիական շարժումների և բնապահպանական ուսումնասիրությունների ոլորտներում։  Նա երկար տարիներ աշխատել է Սոցիոսկոպում որպես ծրագրերի ղեկավար, իսկ 2014-ին տեղափոխվել է Ավստրալիա, որտեղ էլ շարունակում է իր մասնագիտական գիտելիքն ու փորձը ներդնել ի նպաստ մարդու իրավունքների պաշտպանությանը և իրական ու մասնակցային ժողովրդավարության տարածմանը։

Էլ. փոստ՝ lina@socioscope.am

Իրավապաշտպան
Էդուարդ Դանիելյանը իրավապաշտպան է: Ավարտել է Մարդու իրավունքների միջազգային դպրոցի «Մարդու ինտեգրում, քաղաքացիական կրթություն և իրավական մեխանիզմներ» բաժինը։

2010 թ-ից իրականացրել է դիտորդական առաքելություն մարդու իրավունքների բազմաթիվ ոլորտներում: Մասնավորապես փորձագիտական աշխատանք է կատարել խոշտանգումների, դաժան և անմարդկային կամ նվաստացնող վերաբերմունքի, դավանանքի ազատության և դատական մոնիթորինգի ոլորտներում:

«Սոցիոսկոպ»–ին միացել է 2015թ–ից։

Էլ. փոստ՝ eduard@socioscope.am

Գործադիր տնօրեն

Գլխավոր հաշվապահ
Սոնա Մամիկոնյանը ավարտել է Հայաստանի պետական ճարտարագիտական համալսարանը 2005-ին՝ ստանալով Մենեջերի ճարտարագիտական մագիստրոսի աստիճան։
2002-2009 թթ–ը աշխատել է «Ռուսալ-Արմենալ» ՓԲԸ-ում որպես տնտեսագետ–վերլուծաբան: Որպես հաշվապահ աշխատել է «ԱՔՐԱ» ՓԲԸ-ում և «Ֆիլիպ Մորրիս Արմենիա» ՍՊԸ–ում։
2011թ-ից  «Իրավունքի Գերակայություն» ՀԿ–ի հաշվապահն է։
Սոցիոսկոպին միացել է 2013թ-ից իբրև գլխավոր հաշվապահ։

Էլ. փոստ՝ sona.mamikonyan@socioscope.am

Համահիմնադիր, հետազոտող
Սոնա Մանուսյանը Սոցիոսկոպի հիմնադիր անդամներից է: Հոգեբանական գիտությունների թեկնածու է, նաև դասավանդում է ԵՊՀ-ում: Սոնայի մասնագիտական հետաքրքրությունների դաշտում են անհատական և կոլեկտիվ ինքնությունները և “մենք”-“նրանք” սահմանների (վերա)ձևավորման մեխանիզմները, մասնավորապես` քաղաքացիական և էթնո-մշակութային գործընթացներում: Ներկայումս ուսումնասիրում է սոցիալական շարժումները Հայաստանում` դիտարկելով քաղաքացիական ներգրավումը օնլայն տիրույթում և դրանից դուրս: Մասնակցել է մի շարք միջազգային ակադեմիական փոխանակման ծրագրերի: Զուգահեռաբար կատարում է հայերենից անգլերեն թարգմանություններ:

Էլ. փոստ՝ sona@socioscope.am

Ծրագրերի համակարգող, հետազոտող
Արփի Մանուսյանը սոցիոլոգիայի մագիստրոսի աստիճան է ստացել Երևանի Պետական Համալսարանից: 2008թ–ից ներգրավված է եղել «Սոցիոսկոպ»–ի ծրագրերում։ Իբրև ծրագրերի համակարգող «Սոցիոսկոպ»–ում է 2014թ–ից։

Հետխորհրդային երկրներում և մասնավորապես Հայաստանում տեղի ունեցող սոցիալական շարժումները նրա հիմնական մասնագիտական հետաքրքրությունների շրջանակն են։ Նա դիտարկում է քննադատական դիսկուրս վերլուծությունն իբրև սոցիալական իրականության վերլուծության առանցքային մեթոդաբանություն։ Երկար տարիներ ուսումնասիրել է մարդու իրավունքների, քաղաքացիական շարժումների և քաղաքական գաղափարների շուրջ դիսկուրսները մեդիայում։

Էլ. փոստ՝ arpy@socioscope.am