Թիմ

Ծրագրերի ղեկավար
Մարիամ Եղիազարյանն ավարտել է Վրաստանի հանրային կապերի ինստիտուտի (GIPA) մուլտիմեդիա լրագրության և մեդիա մենեջմենթի մագիստրոսական ծրագիրը (2021 թ.)։ «Սոցիոսկոպ» հետազոտական կենտրոնին միացել է 2025թ.-ի նոյեմբերին։ Նրա մասնագիտական հետաքրքրությունների շրջանակն ընդգրկում է վիզուալ արվեստը, արխիվային ուսումնասիրությունները, սոցիալական և քաղաքական գործընթացները, ինչպես նաև մեդիա և գենդերային ուսումնասիրությունները։
Էլ. փոստ՝ [email protected]

Ադմինիստրատիվ օգնական
Ագապի Իվանյանը 2000 թվականին ավարտել է Հայաստանի պետական տնտեսագիտական համալսարանը: 2004-ին ստացել է բիզնեսի կառավարման մագիստրոսի աստիճան Հայաստանի ամերիկյան համալսարանից: Ունի աշխատանքային փորձ հաշվապահության, կադրերի կառավարման ոլորտներում: Սոցիոսկոպում աշխատանքի է անցել 2018թ.-ից՝ որպես ադմինիստրատիվ օգնական:
Էլ. փոստ՝ [email protected]

Հետազոտող
Մարիամ Խալաթյանը  ավարտել է Երևանի պետական համալսարանի Սոցիոլոգիայի ֆակուլտետը՝ ստանալով մագիստրոսի աստիճան Սոցիոլոգիական հետազոտությունների մեթոդաբանություն բաժնում։ Սոցիոսկոպի տարբեր աշխատանքներում ընդգրկված է եղել 2016թ.-ից։ 2017թ.-ից միացել է թիմին որպես ծագրերի օգնական։ Մասնագիտական հետաքրքրությունների շրջանակում են  Հայաստանում քաղաքացիական հասարակության գործունեությունը, միգրացիոն գործընթացները ու խնդիրները, միջնադարյան Հայաստանում սեռականության կարգավորումները։ Ունի քանակական և որակական հետազոտությունների, մեդիա մոնիթորինգի իրականացման փորձ։ 2018թ որպես ունկնդիր Մարիամը մասնակցել է Ժամանակակից արվեստի ինստիտուտի «Արվեստի  քննադատության և կուրատորական ուսումնասիրությունների դպրոցի» դասընթացներին։
Էլ. փոստ՝ [email protected]

Գործադիր տնօրեն
Սիրան Հովհաննիսյանը ֆիլանթրոպիայի, գենդերային ուսումնասիրությունների և սոցիալական հետազոտությունների մասնագետ է, ով ունի ավելի քան տասը տարվա պրակտիկ և գիտական փորձ ֆիլանթրոպիայի, գենդերային արդարության և հանրային քաղաքականության ուղղություններում: Նրա աշխատանքը հիմնված է ինտերսեկցիոնալ վերլուծական մոտեցումների վրա, իսկ հետազոտական հետաքրքրությունները կենտրոնացած են ֆիլանթրոպիայի, ռեսուրսների բաշխման և իշխանության, քաղաքացիական հասարակության, կանանց իրական կյանքի փորձառությունների ուսումնասիրության վրա։ 
Էլ. փոստ՝ [email protected]

Հաշվապահ
Սոնա Մամիկոնյանը 2005 թվականին ավարտել է Երևանի պետական Ճարտարագիտական համալսարանը: Այնուհետև վերաորակավորվել է որպես ֆինանսական վերլուծաբան և հաշվապահ և աշխատել ինչպես մասնավոր, այնպես էլ հասարակական ոլորտներում: Սոնան Սոցիոսկոպին միացել է 2013 թվականին՝ որպես հաշվապահ:
Էլ. փոստ՝ [email protected]

Հետազոտող 
Արփի Մանուսյանը սոցիոլոգիայի մագիստրոսի աստիճան է ստացել Երևանի պետական համալսարանից 2012-ին։ 2008-ից ներգրավված է Սոցիոսկոպի հետազոտական ծրագրերում։ Հայաստանում տեղի ունեցող հանրային շարժումները և դիմադրությունները, տեղի հասարակագիտական մտքի պատմությունը, գրականության և հասարակագիտության փոխառնչության և սեռականության հարցերը նրա հիմնական մասնագիտական հետաքրքրությունների շրջանակն են։ Երկար տարիներ ուսումնասիրել է մարդու իրավունքների, քաղաքացիական շարժումների և քաղաքական գաղափարների շուրջ դիսկուրսները մեդիայում։
Էլ. փոստ՝ [email protected]

Հաղորդակցության մասնագետ 
ալբերտ պետրոսյանը կինոռեժիսոր, վիդեոմոնտաժող և մեդիա մասնագետ է, աշխատում է անկախ կինոյի, մշակութային նախագծերի և վիզուալ հաղորդակցության ոլորտներում։ Իր աշխատանքներում համադրում է պատմողական և փորձարարական մոտեցումները՝ հետաքրքրվելով կինոյի, մեդիայի և հասարակական թեմաների հատման կետերով։
Էլ. փոստ՝ [email protected]