Այս զեկույցը հիմնված է Հայաստանում Արմինե Իշխանյանի կողմից երեք դաշտային այցելությունների ընթացքում իրականացված ծավալուն որակական հետազոտության վրա։ Հետազոտական աշխատանքներին աջակցել է Սոցիոսկոպի թիմը։ Զեկույցը քննության է առնում վերջին շրջանում բնապահպանական հարցերի շուրջ Հայաստանում տեղի ունեցող քաղաքացիական հասարակության խմբերի սոցիալական մոբիլիզացումը։ Այն մասնավորապես կենտրոնանում է երկրում իրականացվող հանքարդյունաբերության դեմ քաղաքացիական հասարակության կազմակերպված քարոզարշավների(campaigns) վրա։ Զեկույցն ի ցույց է դնում Հայաստանում քաղաքացիական հասարակության նվաճումները, մարտահրավերներն ու խոչընդոտները։ Զեկույցի նպատակն է՝ նպաստել երկրում հանքարդյունաբերության ոլորտի, ինչպես նաև ավելի լայն սոցիալ–տնտեսական և քաղաքական զարգացումների մասին Հայաստանում և սփյուռքի տարբեր համայնքներում ընթացող բանավեճին։
Ամբողջական զեկույցը կարող եք կարդալ այստեղ։
