Խաղաղության, պատերազմի ընկալումները, Ղարաբաղյան կոնֆլիկտի ազդեցությունը ու Ղարաբաղյան երկրորդ պատերազմի հետևանքների ուսումնասիրմանն ուղղված Սոցիոսկոպի վերջին տարիների հետազոտությունները այս կամ այն կերպ անդրադարձել են պատերազմի սոցիալ-տնտեսական ազդեցության, անհավասարության և աղքատության հարցերին։ Այնուամենայնիվ, պատերազմների սոցիալ-տնտեսական հետևանքների մասին խոսակցություններն ու վերլուծությունները լայնամասշտաբ չեն, շատ դեպքերում՝ սակավ ուսումնասիրված։ Տարբեր հետազոտություններ, ինչպես նաև Սոցիոսկոպի իրականացրած ուսումնասիրությունները վկայում են այն մասին, որ Հայաստանում մարդկանց անհանգստացնող խնդիրների շարքում շարունակում են առաջնային մնալ սոցիալ-տնտեսական հարցերը, աղքատությունն ու գործազրկությունը։ Իսկ սոցիալական անհավասարությունները պատերազմների ընթացքում ու դրանց հաջորդող տարիներին զգալի աճում են։ Ղարբաղյան կոնֆլիկտի սոցիալ-տնտեսական ազդեցության հարցերը այս տարիների ընթացքում պատշաճ ուսումնասիրության չեն ենթարկվել։ «Ղարաբաղյան կոնֆլիկտի սոցիալ-տնտեսական հետևանքները» հետազոտական-վերլուծական այս հոդվածաշարի նպատակն է տարբեր մասնագետների հետ համագործակցության ու միջդիսցիպլինար մոտեցման արդյունքում ուսումնասիրել և հասկանալ, թե ինչպես է կոնֆլիկտի սոցիալ-տնտեսական ազդեցությունը կապվում խաղաղության և կայունության հասկացությունների, աղքատության և սոցիալական անհավասարության հարցերի հետ և ինչպես է ուղղակի կամ անուղղակիորեն ազդում տնտեսական աճի ու զարգացման վրա։
Հոդվածաշարի շրջանակում իրականացրած ուսումնասիրություններն իրականացվել են 2023 թ․ հուլիս-սեպտեմբեր ամսիների ընթացքում և չեն անդրադառնում սեպտմբերի 19-ին Ադրբեջանի կողմից Ղարաբաղի դեմ լայնամասշտաբ հարձակման և Լեռնային Ղարաբաղի հայ բնակչության բռնի տեղահանման հարցերին։
Հոդվածաշարին կարող ծանոթանալ հետևյալ հղումով։
Հոդվածաշարում ընդգրկված հոդվածների բովանդակության համար պատասխանատու են հեղինակները։ Հոդվածներում տեղ գտած տեսակետները կարող են չհամընկնել Սոցիոսկոպի դիրքորոշման հետ:
